«Реал» раҳбарияти Хамес Родригесни таътил пайтида футбол ва волейбол ўйнаётганидан норози.
Футболчи Америка кубоги-2016да, Колумбия таркибида ўйнаганида елкасидан жароҳат олганди. Шундан сўнг Хамес клубга қайтиб келган ва доктор Микель Арамберри кўригидан ўтган эди. Докторнинг тавсиясига кўра Хамес жарроҳлик амалиётидан ўтмади ва унга нисбатан даволашнинг бошқача усуллари қўлланди.
Энди эса футбол ва волейбол ўйнаш натижасида унинг жароҳати оғрилашиб қолиши мумкин. “Реал” клубининг яна бир футболчиси Кака ЖЧ-2010дан сўнг шундай ҳолатга тушиб қолганди.
