"Манчестер Юнайтед"нинг собиқ футболчиси Эрик Кантона клубнинг янги аъзоси Златан Иброҳимовичга мурожаат қилди.

"Златан, бу клубга ўтганинг, умрингдаги энг яхши танлов бўлди. Сен бу ерда афсонавий футболчиларнинг руҳини ҳис қилишинг мумкин. "Стэтфорд Энд" трибунаси остида гол уришинг, мухлисларни исмингни айтиб ҳайқиришларини эшитишинг мумкин. Шунда сен бу клубни яхши кўриб қоласан, сўнгра сени ҳам яхши кўришади. Манчестерда қирол бор, бироқ сен шаҳзода бўлишинг мумкин. Майли, еттинчи рақамни олақол, бу сенга менинг совғам. Қирол кетди, яшасин шаҳзода!” - деди Кантона Goal.com хабарида.