Франция терма жамоаси билан жаҳон ва Европа чемпиони бўлган Франк Лебёф УЕФАнинг Антуан Гризманни Евро-2016ни энг яхши футболчиси деган қарорига қарши эканини билдирди.

«Менга Гризманн ёқади, аммо у мусобақанинг энг яхши футболчиси эмас. Бу ҳақда танқидий фикрлаш лозим. У фақат плей-офф ўйинларида ўзини кўрсата олди. Финалда эса иккита жуда яхши имкониятдан фойдалана олмади. Антуан шундан бошқа каромат кўрсата олмади.

УЕФА доим шунақа ғалати қарорлар қабул қилади. Масалан, учрашувнинг энг яхши футболчиси сифатида гол урган ўйинчилар тан олинганди.

Мен Пепе ва Гарет Бэйлни танлаган бўлардим, чунки улар терма жамоасининг ҳақиқий етакчилари бўлишди. Бошқа ўйинчиларни ҳам кўрсатиш мумкин, аммо Гризманни эмас. У ҳатто дастлабки ўйиндан сўнг захирада қолдирилганди», — деди Лебёф RMC хабарида.