"Реал"нинг собиқ ҳужумчиси Рауль "Ювентус" яримҳимоячиси Поль Погбанинг Испания гранди сафига ўтиши мумкинлиги борасида фикр билдирди.
"Погба "Реал"ни ва бошқа исталган клубни кучайтира олади. У ажойиб футболчи ва ишонаманки, Зидан унга мос ролни топа олади. Клуб бундай қиммат трансферни баҳолай олиши керак.
Тўғрисини айтсам, бирга ўйнаган вақтимизда Зиданни мураббий ролида кўраман деб ўйламагандим. Аммо у клубда турли вазифаларни бажарди, Анчелоттига ёрдам берди ва ёшлар жамоасини бошқариш имкониятига эга бўлди. Менимча, Зидан мураббий сифатида доим ўсиб боряпти. У ўйинчиларга ўзига ишонч ҳиссини сингдирмоқда", - дейди Рауль.
