Москванинг “Локомотив” клуби яримҳимоячиси Дмитрий Тарасов журналист ролини бажариб, жамоадоши Виталий Денисовдан интервью олди ва “Лорьян” (1:1) клубига қарши ўртоқлик ўйини ҳақида фикрларини сўради.
Тарасов: Ғалаба қозонмоқчи эдик, бироқ ўйин охирида диққат-эътиборни сусайтириб, кераксиз гол ўтказиб юбордик. Ўйинни кўрдингми?
Денисов: Ҳа.
Тарасов: Фикрларинг?
Денисов: Тўпни яхши назорат қилдик ва яхши вазиятларни ярата олдик. Иккинчи голниям уришимиз мумкин эди…
Тарасов: Камчиликлар бор, тўғрими?
Денисов: Ҳа, диққат-эътиборни сусайтириб қўйдик.
Тарасов: Биз кўп вазиятларни яратдик, бироқ улардан фойдалана олмадик. Чемпионат бошлангунга қадар бу борада янада кўпроқ меҳнат қиламиз.
Денисов: Ҳали вақт бор.
Тарасов: Мен эса ёнимда турган футболчи соғайиб, тезда майдонга тушади ва бизга катта ёрдам беради деган умиддаман. Сенга соғлиқ тилайман, ҳаммамиз сени интизорлик билан кутамиз.
Денисов: Раҳмат! Энди мени ўпиб қўй!
