ФИФАнинг аҳлоқ қўмитаси ташкилот президенти Жанни Инфантинони ФИФА аҳлоқ кодексини бузганлиги учун сўроқ қилади. Сўроқ 15 июль куни бўлиши мумкин, дея хабар беради ВВС.
Германиянинг "Франкфуртер альгемайне цайтунг" газетаси хабарига кўра, Инфантино кўзда тутилмаган мақсадлар учун ФИФА ғазнасидан 14 минг евро сарфлаб юборган. Жумладан, ФИФА маблағидан тренжёр, матрас, смокинг, гуллар ва футбол бутсалари сотиб олган. Шунингдек, Инфантино шахсий машинасидан ва ФИФА ҳайдовчисидан ташқари учинчи машинадан ҳам фойдаланган. Учинчи машина президент атрофидаги ходимларга қарашли бўлган, чунки у Швейцарияда камдан кам вақт бўлади.
