Ўзбекистон U23 ёшлар терма жамоаси Ироқ U23 ёшларига қарши ўртоқлик ўйини ўтказиб, 2:1 ҳисобида ғалаба қозонди.

Бу ёшгача бўлган терма жамоамиз аллақачон тарқатиб юборилган бўлса-да, ироқликларнинг илтимосига биноан бир ўйинга қайта тикланди. Бундан ташқари ўйинда 23 ёшдан катта бўлган футболчилар – Сардор Мирзаев ва Зафар Полвонов ҳам иштирок этишди.

Ўйинда ҳисобни 30-дақиқада Жалолиддин Машарипов очди. Иккинчи бўлим бошланиши биланоқ ироқликлар ҳисобни тенглаштиришди. Бироқ орадан 7 дақиқа ўтгач, Машарипов пенальтини аниқ амалга ошириб, жамоасини ҳисобда олдинга олиб чиқди. Ўйин якунигача ушбу ҳисоб ўзгармай қолди.

Ўртоқлик учрашуви. 21 июль. Тошкент. «Жар» стадиони.

Ўзбекистон U-23 - Ироқ U23 - 2 : 1 (1 : 0)

Голлар: Жалолиддин Машарипов (30, 54 пен) - Алаа Абдулзахран (47)

Ўзбекистон U-23: Дилшод Ҳамроев, Рустам Ашурматов, Достон Турсунов, Акромжон Комилов, Аббос Отахонов, Хуршид Ғиёсов, Мурод Ражабов, Жалолиддин Машарипов, Сардор Мирзаев, Зафар Полвонов, Достон Ҳамдамов.

Захира: Ботирали Эргашев, Забиҳулло Ўринбоев, Жавоҳир Сиддиқов, Дониёр Нарзуллаев, Миржамол Қосимов, Нодир Йўлдошев, Нажмиддин Нормуродов, Шаҳзод Абдураҳимов, Тимур Толипов.

Ироқ: Муҳаммад Расид, Баяр Абубакир, Ҳусам Козим, Самал Саид, Ҳусайин Ванам (с), Жасим Муҳаммад, Аала Абдулзаҳран, Амжад Валид, Мазин Фаёз, Миран Хасро, Аббос Қосим.

Захира: Жалол Ҳасан, Хотам Дулер, Али Латиф, Қаррор Муҳаммад, Висам Малик, Ахмад Надим, Муҳаммад Шавкан, Али Абдулҳасан, Ҳусайин Халаф.