Эрон терма жамоаси ҳужумчиси Сардор Азмун «Ростов» клуби таркибида Чемпионлар лигасидан ўрин олган «Андерлехт» клубига қарши ўйинда майдонга тушишга рухсат олди.
Эслатиб ўтамиз, Азмун расман «Рубин» клубига тегишли бўлиб, «Ростов» клубида ижара асосида ўйнаб келаётганди. «Рубин» клуби Азмунни ижарадан қайтаришга уриниб кўрди, аммо футболчи Қозонга қайтишни истамади ва Спорт арбитраж суди (CAS) га мурожаат қилди. CAS бу борада футболчининг ёнини олиб, ишни кўриб чиқиш учун камида 6 ой вақт кетиши сабабли, футболчига вақтинча «Ростов» клуби таркибида ўйнаб туришга рухсат берди.
