«Бавария» яримҳимоячиси Франк Рибери янги бош мураббий Карло Анчелотти ҳақида ўз фикрларини айтиб, Гвардиола ишлаган пайтда ўзига бўлган ишончни сезмаганини билдирди.

«Иштиёқим баланд ва эркинликни ҳис қилмоқдаман. Карло Анчелотти – клуб учун совға. У келиши биланоқ менга бўлган ишончни сезяпман. У ажойиб мураббий. Мен ёнимда Анчелотти, Хайнкес ёки Хитцфельдга ўхшаган шахсларни бўлишини истайман. Менга бўлган ишончни ҳис қилсам, бор кучимни намоён эта оламан. Ишонч, ҳурмат ва дўстлик – асосий омиллардир. Агар ўзимни яхши ҳис қилсам, 100% эмас, 150% ўйин намойиш этаман. Анчелотти билан ажойиб натижаларга эриша оламиз. Янги мавсумни интизорлик билан кутяпман» - деди Рибери Kicker хабарида.