Клубимиз давралар оралиғида, янги уч нафар легионер футболчи билан шартнома имзолади. Ўзингизга маълум, бунгача черногориялик ҳимоячи Деян Больевич ҳам жамоамизда фаолият юритаётган эди.
Ўзбекистон Профессионал Футбол Лигасининг амалдаги регламенти бўйича, бир жамоада легионерлар 3+1 тизимида бўлиши талаб этилади.
Ушбу талабга риоя қилган ҳолда, клубимиз Деян Больевич билан ўзаро келишиб, амалдаги шартномани бекор қилди. Деян энди эркин агентга айланди.
Клубимиз раҳбарияти, мураббийлари ва барча мухлисларимиз номидан Деян Больевичга жамоамизда кўрсатган ўйинлари учун ташаккурлар билдириб қоламиз. Унинг кейинги фаолиятига эса каттадан – катта муваффақиятлар тилаймиз.
