Қатар терма жамоаси ЖЧ-2018 саралашининг 3-босқичи доирасида сентябрь ойидаги иккита ўйин учун тайёргарлик режасини эълон қилди. Бу ҳақда gulf-times.com'га асосланиб stadion.uz хабар тарқатди

Терма жамоа 1 август куни Доҳада йиғилади ва ўқув-машғулот йиғинига киришади. Қатарликлар 8 август куни ўз майдонларида Ироққа қарши ўртоқлик ўйинини ўтказишади ва 11 август куни Швейцарияга йўл олишади. Қатар у ерда иккита ўйин ўтказади. Терма жамоа 13 август куни Цюрихда Испаниянинг "Бетис" клуби, 18 август куни эса Иордания терма жамоасига қарши баҳсларда иштирок этади.

Қатар термаси 25 август куни Доҳада Таиландга қарши ўртоқлик ўйинида майдонга тушади.

Қатарликлар 1 сентябрь куни сафарда Эронга қарши, 6 сентябрь куни Доҳада Ўзбекистонга қарши ЖЧ-2018 саралаш учрашувларини ўтказади.

Қатар бош мураббийи Даниел Коррено август ойидаги йиғин ва ўртоқлик ўйинлари учун 28 нафардан футболчини таклиф этди.

Йиғинга жалб қилинган футболчилар:
Клод Амин, Холид Муфта, Аҳмад Ёсир, Муҳаммад Муса, Абдулраҳмон Муҳаммад, Исмоил Муҳаммад, Луис Мартин, Муҳаммад Абдулла, Муҳаммад Мунтарий, Карим Будиаф, Моэз Али, Ҳасан ал-Ҳайдос, Саъд аш-Шийб, Карим Ҳассан, Али Асад, Муҳаммад Касола, Иброҳим Мажид, Педро Мигель, Себастьян Сория, Умар Баррий, Родриго Табата, Аҳмад Алаъ, Абдураҳмон Абакр, Аҳмад Абдул-Мақсуд, Халифа Абубакр, Буалим Хуокий, Мешал Абдулла, Акром Афиф.

Қатар терма жамоаси ўйинлари рўйхати
8 август: Қатар - Ироқ (ўртоқлик), Доҳа
13 август: Қатар - "Реал Бетис" (ўртоқлик), Цюрих
18 август: Қатар - Иордания (ўртоқлик), Цюрих
25 август: Қатар - Таиланд (ўртоқлик), Доҳа
1 сентября: Иран - Қатар (ЖЧ-2018 саралаш), Теҳрон
6 сентября: Қатар - Ўзбекистон (ЖЧ-2018 саралаш), Доҳа