“Насаф” Ўзбекистон Кубоги чорак финали доирасида ўз уйида ўтказилган жавоб ўйинида ҳам “Андижон”ни мағлуб этди. Андижонда бўлиб ўтган дастлабки ўйинда қаршиликлар 2:0 ҳисобида ғалаба қозонишганди.

Қаршида бўлиб ўтган ўйинннинг биринчи бўлимида ҳисоб очилмади. Иккинчи бўлимнинг 60-дақиқасида ҳакам "Насаф" дарвозаси томон пенальти белгилади ва уни легионер Денис Ильеску голга айлантирди. Орадан бир дақиқа ўтар-ўтмас Ислом Рашидхонов ҳисобни тенглаштиришга муваффақ бўлди.

Қаршиликларнинг иккинчи голида легионерлар самарали ҳаракат қилишди. Огнен Красичнинг узатмасидан сўнг марказий ҳимоячи Игорь Голбан дарвозани ишғол қилди.

Шу тариқа, "Насаф" ярим финал йўлланмасини қўлга киритди. Жамоа финал йўлланмаси учун "Бухоро"га қарши баҳс олиб боради.

Ўзбекистон Кубоги-2016, чорак финали жавоб учрашуви
“НАСАФ” – “АНДИЖОН” - 2:1
Голлар: Ислом Рашидхонов (61), Игорь Голбан (82) — Денис Ильеску (60-пен.)
"Насаф" 35. Санжар Қувватов, 7. Шуҳрат Муҳаммадиев, 15. Шаҳбоз Эркинов, 18. Баҳром Абдураҳимов, 21. Азамат Алланиёзов, 22. Игорь Голбан, 23. Шерзод Аъзамов (С), 24. Огнен Красич, 27. Ислом Рашидхонов, 28. Фозил Мусаев, 34.Фарруҳ Сайфиев.
Захира: 25. Элдор Суюнов, 5. Ильдар Маматказин, 19. Дилшод Хушбаков, 31. Сайдулло Раҳматов, 38. Дониёр Нарзуллаев, 42. Нажмиддин Нормуродов, 69. Драган Черан
"Андижон": 1. Акмал Турсунбоев, 4. Азамат Исроилов, 6. Иброҳим Отахонов (С), 18. Фарҳод Бекмуротов, 19. Денис Ильеску, 22. Рўзимбой Аҳмедов, 29. Обид Жўрабоев, 55. Дилшод Жўраев, 88. Андрей Бугняк, 89. Бобур Акбаров, 90. Павел Смоляченко.
Захира: 46. Хуршид Ходжаев, 17. Тимур Васильев, 21. Жавлон Гусейнов, 26. Бахтиёр Қосимов, 80. Азамат Бобожонов, 91. Алибобо Раҳматуллаев, 96. Вячеслав Пурак.
Дастлабки учрашув: 2:0