“Бунёдкор” – “Металлург” учрашувидан кейинги матбуот анжуманининг биринчи қисмида “қалдирғочлар” устози иштирок этди.

- Учрашувда қайд этилган натижадан ва ўйиннинг аксарият қисмидан қониқдим. Деярли бир ой давом этган танаффусдан кейинги илк расмий учрашув учун яхши баҳо берса бўлади. Иккала жамоа ҳам сифатли ўйин кўрсатишга ҳаракат қилди. Мени биргина жиҳат ранжитди. Гол ўтказиб юборган вазиятимиз жуда ҳам оддий ҳолатда юз берди. Бу – “Бунёдкор” савиясига мос эмас. Амалга оширган ўзгаришларимиз ўйинимизни кучайтирди. Гадоев ҳали тўлиқ тайёр бўлмаса-да, у гол уришга ва битта голга ассистентлик қилишга муваффақ бўлди. Нурматов ҳам ҳужумкорликни оширди. Азимов эса берган кўрсатмаларимни тўлиқ бажарди ва у ҳам гол уришга эришди. Яна қайтариб айтаман, танаффусдан кейинги илк расмий учрашувимизни яхши ўтказдик, - деди Сергей Иванович.