Аввал хабар берганимиздек, шу йилнинг 13–30 октябрь кунлари Баҳрайнда 19 ёшгача бўлган футболчилар ўртасида бўлиб ўтадиган Осиё чемпионатига тайёргарлик кўраётган Жасур Абдураимов бошчилигидаги Ўзбекистон U-19 ёшлар терма жамоаси 6–9 август кунлари ўтказиладиган Марказий Осиё Футбол Ассоциацияси Кубогида иштирок этади.

Ўзбекистон ёшлар терма жамоаси бош мураббийи ушбу турнирда иштирок этадиган 18 нафар футболчидан иборат таркибни аниқлаб олди.

Таъкидлаш керакки, 19 ёшгача бўлган футболчилардан тузилган терма жамоалар қатнашадиган турнирда Абдураимов шогирдларидан ташқари Афғонистон, Қирғизистон, Эрон, Тожикистон ҳамда Туркманистон жамоалари қатнашади. Ўйинлар "Жар" ҳамда "Пахтакор" стадионларида бўлиб ўтади.

Қуйида Ўзбекистон U-19 терма жамоасининг СAFA CUP турнирида иштирок этадиган таркибини келтириб ўтамиз.

Дарвозабонлар: Умиджон Ҳамроев (“Пахтакор”), Умиджон Эргашев (“Насаф”)

Ҳимоячилар: Хусниддин Ғофуров (“Нефтчи”), Хушнудбек Авилов (“Пахтакор”), Ойбек Рустамов (“Қўқон-1912”), Исломжон Қобилов (“Металлург”)

Ярим ҳимоячилар: Шароф Муҳиддинов (“Насаф”), Санжар Қодирқулов (“Бунёдкор”), Азизжон Ғаниев (“Насаф”), Сухроб Нуриллоев (“Пахтакор”), Саиджамол Давлатжонов (“Динамо”), Достон Ибрагимов (“Динамо”), Хожиакбар Алижонов (“Пахтакор”), Нурилло Тўхтасинов (“Бунёдкор”)

Ҳужумчилар: Жасурбек Яхшибоев (“Пахтакор”), Бобир Абдухолиқов (“Насаф”), Бегзод Ғанижонов (“Қизилқум”), Азиз Суюнов (“Олмалиқ”)