"Манчестер Юнайтед" ҳужумчиси Уэйн Руни ўзи билан бирга тўп сурган энг яхши футболчилар номини келтирди.
"Мен билан бирга ўйнаган энг зўр футболчи? Мен икки кишини айтган бўлардим - булар Скоулз ва Роналду. Пол - барча даврларнинг энг яхши яримҳимоячиси. Унинг тўп ошириши, майдонни кўриши ва ўйинга темп бера олиши ажойиб эди.
Криштиану - дунёнинг энг яхши ўйинчисига айланган ўзгача ўйинчи. Унинг машғулотларда, кейин ўйинда кўрсатган ишларига ақл бовар қилмайди. У тарихга буюк ўйинчиларнинг бири сифатида киражак", - дейди Руни.