Ёшлар лигаси

16-тур

“Обод” – “Қўқон-1912” 2:2 (1:0)

Голлар: Умиджон Мамтмусаев, Абдуллоҳ Маҳкамов.  – Авазхон Маматхўжаев, Иброҳим Усмонов.

“Обод”: Убайдулло Иноятуллаев, Шуҳрат Мажилов, Даниэл Насриддинов, Умид Матмусаев, Аббос Исроилов, Абдулборий Олимов, Зиёвуддин Маҳкамов, Акбаржон Ходжаев, Абдуллоҳ Маҳкамов, Дилмурод Жўрабоев, Отабек Пардабоев.

Захира: Умиджон Ёрбеков, Ҳумоюн Абдуалимов, Исмоил Жасурхўжа, Аббос Саидкаримов.

“Қўқон-1912”: Руслан Матниязов, Маъмуржон Раҳимов, Иброҳим Ғофуров, Достон Мелиқўзиев, Аброр Раҳимов, Сардор Исоқов, Ориф Мамажонов, Муҳаммаданас Ҳасанов, Ойбек Рустамов, Авазхон Маматхўжаев, Иброҳим Мухторов.

Захира: Азиз Ашуров, Иброҳим Усмонов, Иброҳим Раҳимов, Иқрор Раҳимов, Бахтиёр Абдубаннонов.

Муҳсин Низомиддинов бошчилигидаги “Қўқон-1912” жамоаси ўринбосарлари иккинчи даврани дуранг билан бошлашди. “Обод”га қарши сафарда бўлиб ўтган ўйин жанговор 2:2 ҳисоби билан якун топди.

Учрашувнинг 37-дақиқасида “Обод” футболчилари жарима зарбаси тепиш ҳуқуқига эга бўлишди. Тахминан 20 метрлардан белгиланган жарима тўпини Умид Матмусаев чиройли зарба билан  дарвозамизни аниқ йўллаб ҳисобни очди.

Жамоалар танаффусга шу ҳисобда чиқиб кетишди.

Иккинчи тайм жуда шиддатли тарзда кечиб томонлар яна биттадан гол киритишга муваффақ бўлишди.

49-дақиқада чап қанотдан рақиб жарима майдонига ёриб кирган Достон Мелиқўзиев тўпни Аваз Маматхўжаевга аниқ оширди. Авазхон кучли ва аниқ зарба билан мезбонлар  дарвозасини ишғол қилди – 1:1

Орадан бироз ўтиб, мезбонлар яна олдинга чиқишди. Гол муаллифи Абдуллоҳ Маҳкамов.

Учрашувдаги сўнгги гол муаллифи – Иброҳим Усмонов бўлди. Бурчак зарбасидан сўнг Усмонов тўпни дарвозага тўғрилаб қўйди – 2:2.

Қизиқарли ва кескин курашларга бой тарзда ўтган ўйин шу ҳисобда интиҳо топди ва ўринбосарларимизнинг очколари сони 19 тага етди.