Туркия футбол федерацияси давлат идораларининг ташкилот ишига аралашиши сабабли УЕФА ва ФИФАдан четлатилиши мумкин.

Аввалроқ, Туркия футбол федерациясининг барча ходимлари истеъфога чиқарилгани эълон қилинган ва улар ҳақидаги барча маълумотлар ҳукумат вакилларига бериб юборилганди. Туркияда давлат тўнтаришини амалга ошириш билан боғлиқ тергов бошлаб юборилгани сабабли, федерация шу ишга қўл уришга мажбур бўлди.

Эслатиб ўтамиз, ФИФА қоидасига биноан, мамлакат футбол федерациясининг ишига давлат идораларининг аралашиши мумкин эмас.