«Челси» ярим ҳимоячиси Жон Оби Микел, матбуотдаги турли миш-мишларга қарамай, жамоани тарк этиш нияти йўқлигини маълум қилди.
Қайд этиш жоиз, нигериялик 29 ёшли футболчи 2006 йилдан бери «Челси» шарафини ҳимоя қиляпти.
«Жамоага ҳар бир очко учун курашда ёрдам беришни, ғалабалар қозониб, совринларни қўлга киритишни истайман. «Челси»нинг имкон қадар тезроқ Чемпионлар Лигаси ғолиблиги учун кураша оладиган жамоа даражасига қайтиши учун ёрдам беришни хоҳлайман. Мен 10 йилдан бери битта ечиниш хонасига қатнайман, бу ажойиб эгаси бор ажойиб клуб. Бу мен учун ҳақиқий бахт маконига айланди. Мен бу ердан кетишни истамайман», — деди футболчи.
«Ҳали яна бир йиллик шартномам бор, қолгани кейин маълум бўлади. Агар мавсумни яхши ўтказа олсам, шартномам узайтирилишидан умид қилсам бўлади. 120 фоиз куч билан ҳаракат қилиб, қўлимдан келганини амалга ошираман», — дея қўшимча қилди футболчи.
