"Бавария" яримҳимоячиси Франк Рибери клубнинг собиқ президенти Ули Хенесснинг мюнхенликлар сафига қайтишига ишонч билдирди.
"Хенесснинг қайтишига ишонаман. У клуб учун муҳим шахс. "Бавария" кучли, аммо Хенесс уни янада кучлироқ қилади.
Унда куч ва эйфория бор. Хенесс - клубнинг юраги", - дейди Рибери.
Эслатиб ўтамиз, Ули Хенесс 2014 йилда 27 миллион евро миқдордаги солиқ тўламаганлиги учун 3 ярим йиллик қамоқ жазосига ҳукм қилинган эди.
2015 йилда унга кундузги вақтда қамоқхонани тарк этишга ижозат берилди. Шу йилнинг февраль ойида у озодликка чиқди.
