Швециянинг Сольна шаҳарчасида Халқаро чемпионлар кубоги-2016 мусобақаси доирасида «Барселона» ва «Лестер» куч синашди.

Биринчи бўлимда «Барселона» катта ташаббусга эга бўлиб, рақиб дарвозасига жавобсиз учта тўп йўллади. Мунир Ал-Ҳаддодий икки гол муаллифи бўлди. Иккинчи бўлимда ҳар иккала жамоа таркибида ўзгаришлар бўлди. Шундан сўнг ўйин ҳам инглиз клуби тарафга оғди. Аҳмад Муса дублга эришиб, ҳисобни қисқартирди. Бироқ «Барселона» ғалабани қўлдан чиқаришни истамади ва якунда яна бир гол уриб, 4:2 ҳисобида ғалаба қозонди.

3 август, Сольна, Швеция.

«Барселона» (Испания) – «Лестер» (Англия) – 4:2

Голлар: Мунир (26, 45), Суарес (34), Рафа Мухика (84) – Муса (48, 66)

Барселона: Масип, Камара, Роберто, Видаль, Матье, Денис, Туран, Марлон, Мунир, Суарес, Месси.

Лестер: Цилер, Симпсон, Хут, Морган, Чилуэлл, Олбрайтон, Дринкуотер, Кинг, Грэй, Марез, Варди.