«Манчестер Юнайтед» ярим ҳимоячиси Жесси Лингард Англия Суперкубоги учун «Лестер»га қарши кечган учрашув таассуротлари билан ўртоқлашди.
«Моуринью майдонда ўринларни алмашиб ўйнаш ҳақида кўрсатма берди, шу сабабли ҳам биз ўзимизни эркин ҳис қилдик. Моуринью — сўнгги йилларда кўплаб ютуқларга эришган аъло даражадаги мураббий. Бироқ, энг муҳими — у бизга дарҳол берган эркинлик ҳиссидир», — деди Лингард.
«Ўйинда ҳар иккала жамоа ҳам яхши ҳаракат қилди, биз тўпни ўзимизда ушлаб туриб, вазиятларга юзага келтирдик. «Уэмбли»да гол урганимдан жуда ҳам мамнунман. Жароҳатим эса унчалик ҳам жиддий эмас. Келаси ўйинга қадар тўла тайёр бўламан, деб ўйлайман», — деди «Манчестер Юнайтед» ярим ҳимоячиси.
