Жамоамиз мураббийлар штаби ва футболчилари “Пахтакор” жамоаси билан бўлиб ўтган ўйинни унутган ҳолда , навбатдаги “Андижон”га қарши баҳсга катта иштиёқ билан тайёргарлик олиб бормоқдалар. Кеча футболчиларимиз икки маҳал машғулот ўтказишди.
Куннинг биринчи ярмида ўтказилган машғулотлар тренажёр залида ўтказилди. Бу машғулотларда футболчиларнинг жисмоний ҳолатларини яхшилашга катта эьтибор қаратилди. Машғулотлар давомида мураббийлар С Ковшов, М Абдувалиев ва А Жабборовлар футболчиларни астойдил тер тўкишларини назорат қилиб бордилар.
Куннинг иккинчи ярмидаги машғулотлар эса “Марказий” ўйингоҳида бўлиб ўтди. Бу машғулотларда футболчиларнинг диққат эьтиборлари тўп билан муомала қилишга қаратилди. Бош мураббий Нўьмон Ҳасанов футболчиларга турли тактик ва техник ишланмаларни тавсия қилди. Жалил Кимсановдан бошқа барча футболчилар соғ-саломатлар ва Андижондаги баҳсга катта иштиёқ билан тайёрланмоқдалар.
Ўзига хос “водий дербиси”да ижобий натижа қайд этиб, мухлисларга қувонч улашиш футболчиларимизнинг асосий мақсадлари қилиб белгиланган.
