«Бавария» ҳужумчиси Томас Мюллер яна кўп йиллар давомида юқори даражада ўйин намойиш эта олиши ҳақида гапирди. Бу билан Германия терма жамоаси футболчиси жисмоний ҳолатини жуда яхши эканини таъкидламоқда.
«10 йилдан сўнг ҳам, таътилдан қайтиб, бемалол 90 дақиқа ўйнай оламан. Ҳеч қандай муаммосиз. Агар бутун ўйин давомида майдонда ҳаракат қила олмасам, бутсани михга илиш пайти етиб келган бўлади» - деди 26 ёшли Мюллер.
Ўтган мавсумда Мюллер Германия чемпионатининг 31 ўйинида 20 гол уришга муваффақ бўлганди.
