BBC Англия премьер-лигасининг бошланиш арафасида футбол экспертлари орасида сўровнома ўтказди.
33 нафар мутахассис мавсум якунига кўра кучли тўртлик қандай бўлиши ҳақида овоз беришди. Сўровномада Рууд Гуллит, Иан Райт, Дэнни Мерфи, Тревор Синклэйр, Дэнни Миллз ва бошқалар, шунингдек SAM суперкомпьютери иштирок этди.
17 нафар эксперт «Манчестер Сити»ни чемпион бўлади дейишди. 12 эксперт «Манчестер Юнайтед»га овоз беришди. «Челси» 3, «Тоттенхэм» 1 овоз тўплади.
Қизиғи шундаки, SAM суперкомпьютери ҳам «Ман Сити» чемпион бўлиши ҳақида башорат берди. Унинг ҳисоб-китобига кўра, иккинчи ўринни «Челси», учинчи ўринни – «Манчестер Юнайтед», тўртинчи ўринни – «Тоттенхэм» клуби эгаллар экан.
