“Андижон” – “Қўқон-1912” учрашувидан сўнгги матбуот анжуманида жамоамиз устози Нўъмон Ҳасанов иштирок этди.

– Бугун чиройли ўйин бўлди. Шогирдларим барча кўрсатмаларимни аъло даражада бажаришди. Биринчи таймда иккита гол урганимиздан сўнг, иккинчи таймни анча хотиржам ўтказдик. Лекин камчиликларимиз бор, кўплаб вазиятлар яратган бўлсак–да, уларни голга айлантиришда оқсаяпмиз. Бугун Қўқондан келиб бизни қўллаб-қувватлаб турган мухлисларимизга катта раҳмат. Ғалабада мухлисларимизнинг ҳам ҳиссалари катта бўлди. Биз доим мухлислар учун ўйнаймиз.

Легионерларимиз жамоага яхши киришиб кетишди. Аста–секин ўзбекчаям гапиришмоқда(кулади). Биз бугун энг яхши ўйинимизни кўрсата олдик. Бундан буён доим шундай ўйнашга ҳаракат қиламиз.