Бугун олимпиаданинг тўққизинчи куни. Бугунги кун Ўзбекистон делегацияси ва мамлакати учун унутилмас кунга айланиши мумкин. Боиси, боксчимиз Ҳасанбой Дўсматов финал жангини ўтказади, Оксана Чусовитина таянчдан сакрашда финал баҳсларида иштирок этади, юнон-рум кураш усталаримиз баҳсларда иштирок этишади.

Марафон, аёллар
Икки нафар спортчимиз марафон баҳсларида иштирок этишади. Ситора Ҳамидова ва Марина Хмелёвская стартга чиқишади. Бошланиш вақти — 17:30.

Юнон-рум кураши
Бугун 59 ва 75 кг. вазндаги юнон-рум курашчиларнинг баҳслари ўтказилади. Енгил вазнда Элмурат Тасмурадов, ўрта вазнда эса Дилшод Турдиев гиламга чиқади. Дастлабки нимчорак финал босқичида ҳар иккала бокчимизга сербиялик курашчилар рақиблик қилади. Элмурат Кристиан Фрис, Дилшод Виктор Немесга қарши жанг билан баҳсларни бошлайди. Саралаш беллашувлари 18:00да, финал жанглари 01:00да бошланади.

Бокс
Бугун 3 нафар боксчимиз рингга кўтарилади. Дастлаб 64 кг. вазнда Фазлиддин Ғоибназаров чорак финал йўлланмаси учун ҳиндистонлик Манож Кумарга қарши жанг олиб боради. Бошланиш вақти — 21:15.

Олимпиада чемпионлиги учун бугун Ҳасанбой Дўсматов финал баҳсида иштирок этади. Энг енгил вазндаги спортчимизга колумбиялик Юрбержен Херни Мартинес рақиблик қилади. Бошланиш вақти — 22:15.

Дастлабки босқичдан озод этилган Муроджон Аҳмадалиев (56 кг) бугун чорак финал йўлланмаси учун рингга чиқади. Унга бу босқичда қозоғистонлик боксчи Қайрат Ералиев рақиблик қилади. Бошланиш вақти — 02:15.

Спорт гимнастикаси, таянчдан сакраш
Таянчдан сакраш йўналишида саралашдан муваффақиятли ўтиб, финал йўлланмасини қўлга киритган гимнастикачимиз Оксана Чусовитина бугун медаллар учун баҳс олиб боради. Саккиз спортчи орасида ҳамюртимиз учинчи бўлиб стартга чиқади. Финал мусобақаси 22:47да бошланади.