"Нефтчи" - "Локомотив" баҳсидан сўнг фарғоналиклар устози Андрей Фёдоров журналистлар саволларига жавоб қайтарди.

- Ўйиндан кейин йигитларни дуранг натижа билан табрикладим. Чунки бундан аввалги баҳс жуда қийин кечганди ва бу баҳсга яхши руҳият билан етиб келиш муҳим эди. "Локомотив"дек рақибларга қарши йигитлар характер кўрсатиши керак эди ва буни уддалай олишди. Ўйин борасида фикр билдирадигам бўлсам, баҳсга жиддий хозирлик кўргандик. Тузган режалар амалга ошди. Очиғини айтиш керакки, бизда голга тортадиган вазиятлар кам бўлди ва улардан бирини голга айлантирдик. Мухлисларга ҳам раҳмат. Улар бугун бизни яхши қўллаб-қувватлашди.

- Нега "Нефтчи" иккинчи бўлимда босимни камайтирди ?

- Очиғи биз дуранг учун ўйнамадик. Фақат Шерзод Ҳакимовнинг мажбурий алмаштирилишидан сўнг тактик ўзгариш қилишга тўғри келди ва Саматовни туширдик. Шу сабабли, бошқа схема бўйича ўйнадик. Тўғриси иккинчи бўлимда бизга Мурод Бобожонов ва Шерзод Ҳакимовдек тезкор футболчилар етишмади.

- Мансур Саидовнинг голи ҳақида қандай фикрдасиз ?

- Бу бизнинг тактик режамиз бўйича урилган гол эди. Ҳақиқатдан ҳам чиройли гол киритилди, - деди Фёдоров