"Барселона" Испания чемпионатининг янги мавсумини соврин билан бошлайдиган бўлди. Каталония мамлакат суперкубоги учун кечган баҳсларда "Севилья"дан устун келишди.

"Хаун Санчес Писхуан" стадионида бўлиб ўтган дастлабки ўйинда Луис Энрике шогирдлари 2:0 ҳисобида ғалаба қозонишганди. Жавоб ўйинида эса "кўк-анорранглилар" рақиб дарвозасига жавобсиз 3та тўп йўллашди.

Учрашув бошидан Мессининг узатмасидан кейин Арда Турон рақиб жарима майдончасига кирди ва яккама-якка вазиятда дарвозани ишғол қилди. Биринчи бўлимда андалусияликлар ҳисобни тенглаштиришлари мумкин эди, аммо Иборранинг пенальтидан йўллаган зарбасини Клаудио Браво бартараф этди.

Иккинчи бўлим бошида туркиялик Турон олис масофадан чиройли зарба билан "Севилья" дарвозасини ишғол қилди. Орадан кўп ўтмасдан Лионель Месси ўз ҳисобига гол ёзиб қўйди.

Ўйиндан кейин "Барселона" сардори Лионель Месси совринни қабул қилиб олди. Каталонияликлар ўз тарихларида 12-марта Суперкубокни қўлга киритган бўлсалар, Луис Энрике учун бу соврин мураббий сифатида дастлабкиси бўлди.

Испания суперкубоги, жавоб ўйини
Барселона – Севилья 3:0 (1:0)
Голлар: 1:0 – 10 Туран, 2:0 – 46 Туран, 3:0 – 55 Месси.
Ноаниқ пенальти: Иборра (33, дарвозабон)
Барселона – Браво, Алеиш Видаль, Динь (Альба, 61), Умтити, Денис Суарес (Ракитич, 73), Маскерано, Андре Гомеш, Бускетс (Сержи Сампер, 74), Арда Турон, Мунир, Месси.
Севилья – Рико, Мариано, Меркадо, Диего Гонсалес, Сарабия, Краневиттер, Корреа (Вьетто, 73), Гансо (Васкес, 57), Иборра, Коноплянка, Бен-Йеддер (Витоло, 63).
Огоҳлантиришлар: Умтити (32), Сарабия (90).
Дастлабки ўйин — 2:0