«Ювентус» ҳужумчиси Симоне Дзадзанинг отаси Антонио ўғлининг келажаги борасида фикр билдирди. 

«Симоне дўсти билан бирга ҳаммасини жойида кўриш учун Германияга бориб келди, бироқ «Вольфсбург» бизга қоғозда бутунлай бошқача таклиф билан чиққан эди», — деди футболчининг отаси. 

«Вольфсбург»нинг ваъдаси билан таклиф қилган ҳақиқий шартномаси ўртасида катта фарқ бор эди. Биз ортиқ бундай шартлар билан музокара бошламасак керак», — деди Антонио Дзадза. 

«Вест Хэм» — биз кўриб чиқаётган вариант. «Ювентус» қандай қарорга келишини кўрамиз, тез орада янгилик бўлишини кутяпмиз», — деди футболчининг отаси. 

«Биз Лондонни фаолиятни давом эттириш учун жиддий вариант ўлароқ кўряпмиз. Бироқ Симоненинг «Ювентус» билан ҳали 4 йиллик шартномаси бор ва у Туринда жон деб қолади», — деди Антонио Дзадза.