Швейцариянинг Лозанна шаҳридаги Спорт арбитраж суди (CAS) Россия термасига 7–18 сентябрь кунлари Рио-де-Жанейрода бўлиб ўтадиган Паралимпия ўйинларида иштирок этишга рухсат бермади. CAS Халқаро паралимпия қўмитасининг россияликларга нисбатан қўллаган қарорига апелляциясини қониқтирмади, деб хабар бермоқда «Вести.ru».
Аввалроқ Халқаро паралимпия қўмитаси россиялик имконияти чекланган спортчиларни халқаро мусобақалардан четлатишга қарор қабул қилиб бўлганди. Бунга асосий сабаб сифатида Халқаро антидопинг агентлиги (WADA)нинг мустақил комиссияси раҳбари Ричард Макларен томонидан спортдаги допинг ҳақида тақдим қилинган ҳисоботи кўрсатилмоқда.
Спорт арбитраж суди можарога алоқадор ҳар икки томоннинг фикрини тинглади. Аввалига CAS россияликларни апелляциясини қондириши кутилганди. Аммо ҳакамлар Халқаро паралимпия қўмитасининг далил-исботини асослироқ деб ҳисоблади.
