Осиё чемпионлар лигасининг чорак финал босқичи доирасида бўлиб ўтган "Ал-Айн" ва "Локомотив" клублари ўртасидаги дастлабки ўйиндан (0:0) кейин мезбонлар бош мураббийи Златко Далич ўз фикрларини билдириб ўтди.

"Жамоанинг бугунги ўйинидан қониқиш ҳосил қилдим. Биз бугун ўйинни назорат қилдик, аммо гол ура олмадик. Бутун ўйин давомида ўз устунлигимизни намойиш қилишга ҳаракат қилдик. Гол уриш учун яхши имкониятларга эга бўлдик, лекин омадимиз келмади.

Дуранг — биз учун ёмон натижа эмас. Жамоани қабул қилиб олганимдан кейин энг яхши ўйинимизни ўтказдик, деб ўйлайман. Энди футболчиларни БАА терма жамоаси сафига қўйиб юборамиз ва 7 сентябрь куни жамоа йиғилади. Жавоб ўйинига 2та учрашув ўтказишни режалаштирганмиз. Кейинги босқичга чиқиш учун ҳар иккала жамоада имконият бор. Статистикага назар ташлайдиган бўлсак, сафардаги ўйинларда яхши натижа қайд этганимизни кўриш мумкин", — дейди Златко Далич.