Осиё чемпионлар лигасининг чоракфинал дастлабки ўйинларидан бири Қатарда ўтказилди. Унда «Ал-Жаиш» клуби БААнинг «Ан-Наср» клубини қабул қилиб, кутилмаганда 0:3 ҳисобида мағлуб бўлди.
Ҳамюртимиз Сардор Рашидов «Ал-Жаиш»нинг асосий таркибида майдонга тушди. Бироқ у ҳам жамоасига ёрдам бера олмади. Натижада, катта эҳтимол билан, Қатар клуби мусобақани тарк этишга яқинлашди.
ОЧЛ. Чемпионлар лигаси. Чоракфинал. Дастлабки ўйин
«Ал-Жаиш» (Қатар) - «Ан-Наср» (БАА) - 0:3
Голлар: Вандерлей (45, 85), Питройпа (55)
Жавоб ўйини 14 сентябрь куни ўтказилади.
