«Мен кеча Ўзбек халқини шодлантирган, жипслаштирган, бениҳоя севинтирган ЎЗБЕК ЎҒЛОНЛАРИНИ шарафлаш учун уларга аталган тўнларни кўтариб, Тошкент бордим. Худога шукур, аэропортнинг яқинига ҳам йўлатишмади.
Мени билган катталарга қўнғироқ қилдим. Шунақа кўрсатма бўлган экан, спортчиларимиз узоқ учишибди, чарчашибди. Дам олишсин экан. Бирор киши интервью ҳам олмасин, уларни ҳеч ким безовта қилмасин экан.
Майли. Кўндим.
Аммо бошқа нарсага кўна олмадим.
Бир дўстимникида қолдим ва эрталабгача ухламай, Ўзбекистон телеканалларини пойлаб ўтирдим, бирортасида спортчиларимизнинг кутиб олиниши жонли равишда намойиш қилинар, деб.
Афсус, Ўзбекистонда жонли ТВ ҳам қолмабди.
Нега биз шунақамиз, ўв, биродарлар?
Нега бошқа миллат ўз қаҳрамонларини узлуксиз кўрсатиб туради, шарафлайди, фахрланади-ю, бизникилар нега ухлайди?!
Эрталабки ахбортларни пойладим, энди кўрсатишар, десам, ўртоғим кулади: “Ҳали ЎзТВдагилар ҳам, катталари ҳам ухлаб ётибди-ю, ўртоқ”, дейди.
Нега турмайди?
Нега биз Ҳасанбой чемипон бўлганда туни билан ухламаймиз-у, булар шунча қаҳрамон, шунча чемпион келганда ухлайди?
Қандай қилиб ухлайди?
Қачон уйғонади бизнинг ТВдагилар?
Э, қара, ТВни қўйсанг, корейс сериаллари бўлиб ётади. Бу корейс сериалидан ЎзТВ раҳбарлари қачон тўядилар? Ҳиндларнинг киндиги очиқ аёлларига термулишдан қачон тўядилар?
Ўз миллатидан, миллатининг қаҳрамонларидан фахрланишни булар қачон ўрганади?
Буларга ким ўргатиши керак?
Наҳотки бутун Ўзбекистон кутган Олимпиадачиларнинг Ватанга келишларини кўзлари тўрт бўлиб пойлаган Ўзбек халқига Ўзбекистон ТВси намойиш қилиши оғир бўлса?
Ёки артистларга ўхшаб, Олимпиада чемпионлари ҳам пул берсинми ЎзТВга?
Э, 2 шунақа ТВгаям, режессёригаям, операторигаям, стадионининг директоригаям…»
Ўзбекистон ТВ каналлари йилдан-йилга ривожланиб бормоқда. Тезкорлик, воқеа ҳодисаларга муносабат, умуман олганда ҳар томонлама янгилик ва ўзгаришлар катта. Лекин , журналист Каримберди Тўрамуроднинг ижтимоий тармоқда ёзиб қолдирган фикрларини ҳам рад эта олмайсиз. Олимпиада қатнашчиларининг кутиб олинишини Каримберди Турамурод юртдошимиз сингари барча ТВ орқали жонли намойиш этилишини кутган бўлса ажаб эмас.
