"Андижон" - "Бухоро" (1:4) учрашувидан сўнг ташкил этилган матбуот анжуманида "бургутлар" устози Ориф Маматказин ўз фикрларини билдириб ўтди.
"Аввало барчани Ўзбекистон Республикаси Мустақиллигининг 25 йиллиги билан табриклайман. Халқимизга байрамга совға тайёрламоқчи эдик. Афсуски бу футбол. Мухлисларимиздан узр сўрайман. Тезкор иккита гол бизга таъсир қилди. Ўзимиз тушиб қолган "ботқоқлик"дан чиқиб кетишга уринамиз. Ҳаракат қилишда давом этамиз. Ҳали олдинда ўйинлар кўп. Иккинчи бўлим бошида ҳужумни кучайтиришга ҳаракат қилдик. Мағлубиятда мураббий айбдор, демак мен айбдорман", - дейди Ориф Исмоилович.
