Қатар футбол уюшмаси (QFA) ўз вице-президенти, ФИФА томонидан четлаштирилиши талаб қилинаётган Сауд ал-Муҳаннадийни қўллаб-қувватлади. Бу ҳақда, Reuters’га асосланиб, «ТАСС» хабар бермоқда.
«Уюшма ушбу масаланинг тўла шаклда ва адолатли кўриб чиқилиши у ахлоқ-одоб қўмитаси билан самимий ҳамкорлик қилганини ва унга қарши ҳар қандай айбловлар асоссизлигини тасдиқлашига ишонади», — дейилади QFA баёнотида.
Илгарироқ ФИФА ахлоқ-одоб қўмитасининг тергов палатаси ал-Муҳаннадийни уюшма бошқарувидан икки ярим йил мухлатга четлаштиришни тавсия қилган эди. Бундан ташқари, палата уюшмага вице-президентни 20,6 минг доллар жаримага тортишни тавсия этди.
Ал-Муҳаннадий ФИФА билан ҳамкорлик қилишдан бош тортганликда айбланмоқда. Ҳамкорлик қайси масалада талаб этилгани ҳозирча сир сақланмоқда.
