«Бавария» клубининг собиқ ҳимоячиси, айни пайтда «Ницца» футболчиси Данте мюнхенликларнинг собиқ бош мураббийи Хосеп Гвардиоланинг инсоний ҳислатларига салбий баҳо берди.
«Тактика нуқтаи назаридан дунёнинг энг зўр мураббийлари бор. Бироқ уларнинг инсоний ҳислатларини яхши деб бўлмайди. Улар орасига Гвардиолани бемалол қўшиш мумкин. У футболчилар билан гаплашмайди, футболчи сифатида қандай ҳолатда эканингни билолмайсан» - деди Данте Sport Bild хабарида.
Данте 2013-2015 йилларда «Бавария» клубида Гвардиола қўл остида ўйнаган эди.
