«Нью-Йорк Сити» клуби Фрэнк Лэмпардни фаолиятидаги 300-голи билан табриклаб, эсдалик совринини топширди. Аммо кейинчалик «шаҳарликлар» ҳисоб-китобда адашгани маълум бўлди.

Sky Sports хабарига кўра, соврин топширилган пайтда Лэмпард ҳисобида 299 гол бўлган. «Нью-Йорк Сити» клубининг янглишишига сабаб, улар 1999 йилда «Вест Хэм» дарвозасига Лэмпард томонидан урилган голни ҳисобга олишган. Аслида бу натижаси бекор қилиниб, «Вест Хэм»га мағлубият ёзилган эди.

Бироқ, Лэмпард «ДС Юнайтед» клубига қарши ўйинда дубль соҳиби бўлди ва голлари сонини 301 га етказиб олиб, клуб раҳбариятини ноқулай аҳволга тушишдан сақлаб қолди.