Бу жамоалар миллий чемпионатларимиз тарихида ҳозиргача тўққиз маротаба ўзаро рўбарў келишган. Статистикага назар ташласангиз, катта устунлик "Қизилқум" жамоаси томонида эканлигини билиб оласиз.
Бугунгача кончилар етти учрашувда ғалаба қозонган бўлса, қўқонликлар атиги икки бор зафар қучишган.
Тўплар нисбати бўйича ҳам "Қизилқум" катта устунликка эга — 24:9.
Ўзаро баҳсларда навоийликлар рақибидан 21 очкони тортиб олган бўлса, "Қўқон-1912" жамоасида бу кўрсаткич атиги 6 очкони ташкил этади.
Бу йилги мавсумнинг биринчи даврасида Қўқонда кечган баҳсда кончилар мавсумнинг дастлабки йирик ғалабасини қўлга киритишганди — 0:3. Учрашувда голларни В. Шевченко (16), Ш. Жўраев (62), Б. Ваҳобов (64)лар ўз ҳисобларига ёзиб қўйган эди.
Амалдаги мавсумни муваффақиятли бошлаган Ҳамиджон Актамов раҳбарлигидаги “Қизилқум” жамоаси ҳозирча иккинчи давранинг дастлабки тўрт учрашувида зафар қучишди. Ишонамизки, севимли жамоамиз навбатдаги баҳсда ҳам ўз мухлисларини албатта хурсанд қилади.
Ўзаро учрашувлар
2000 йил
2000 йил 1 апрель. "Қизилқум" — "Темирйўлчи" — 3:2
2000 йил 2 ноябрь. "Темирйўлчи" — "Қизилқум" — 1:3
2002 йил
2002 йил 16 март. "Қизилқум" — "Темирйўлчи" — 3:0
2002 йил 30 ноябрь. "Қўқон-1912" — "Қизилқум" — 2:1
2003 йил
2003 йил 19 апрель. "Қўқон-1912" — "Қизилқум" — 1:3
2003 йил 5 октябрь. "Қизилқум" — "Қўқон-1912" — 5:1
2015 йил
2015 йил 9 май. “Қизилқум” — “Қўқон-1912” — 3:1
2015 йил 25 сентябрь. "Қўқон-1912" — "Қизилқум" — 1:0.
2016 йил
2016 йил 24 апрель. "Қўқон-1912" — "Қизилқум" — 0:3..
