Водийлик футбол мухлисларига ўзининг “Нефтчи” клубидаги фаолияти орқали яхши таниш бўлган собиқ дарвозабон Хислат Чилматов бугунги кунда ўз мутахассислиги бўйича мураббийлик фаолиятини бошлаган.

Айтиш керакки, Чилматов катта футболдаги юришларини расман якунлаганидан сўнг Олий лиганинг бир қатор клубларида дарвозабонлар мураббийи сифатида ишлади. Сизга шуни маълум қиламизки, эндиликда жамоамизнинг собиқ вакили Фарғона шаҳридаги “Нефтчи” футбол мактабида мураббий сифатида ўз фаолиятини давом эттиради. Фарғонадан ҳам моҳир ва иқтидорли дарвозабонларни етишиб чиқиш жараёнида бевосита Чилматовдек тажрибали посбонларнинг билим ва кўникмалари зарур эканлигини айтиб ўтиш ўринлидир. Биз эса Хислат Чилматовнинг навбатдаги фаолият босқичида омад ва зафарлар тилаймиз!