Озарбайжон пойтахти Боку мезбонлигидаги 42-Бутунжаҳон Шахмат Олимпиадасида иштирок этаётган Ўзбекистон терма жамоаси 6-турдан кейин 63-ўринга тушиб кетди.
Ортда қолган 5 та турнинг 3 тасида зафар қучган ва 2 тасини бой берган ўзбекистонлик гроссмейстерлар, 6-турда Мўғулистондан енгилди — 1,5:2,5.
Жаҳоннинг ўн еттинчи чемпиони Рустам Қосимжонов, шунингдек, Жаҳонгир Воҳидов ва Антон Филиппов рақиблари билан дуранг ўйнаб, ҳар бири яримтадан очко ишлади. Марат Жумаев эса имкониятни бой бериб қўйди.
Олимпиаданинг еттинчи кунида Ўзбекистон терма жамоаси Никарагуага қарши дона суради.
