«Барселона» президенти Хосеп Мария Бартомеу Лионель Месси билан тузилган шартномани узайтириш ниятида эканини маълум қилди.
«Месси «Барселона»да қанча муддат ўйнашни истаса, шунча вақт қолади. У тарихдаги энг яхши футболчи. Уни сафимизда кўришдан бахтиёрмиз. Албатта, яқин кунларда шартномани узайтириш масаласини кўриб чиқамиз, аммо у «Барселона» билан абадий шартномага эгалигини билади. Унга ҳеч қандай чеклов йўқ. Шартларни унинг ўзи белгилайди.
У ҳали 29 ёшда, жисмоний ҳолати ҳам ажойиб, кўп йиллар давомида ўйнай олади. Месси «Барселона» сафида қолади» - деди Goal хабарида.