15 сентябрда старт оладиган ўсмирлар ўртасидаги Осиё чемпионатида иштирок этиш учун жўнаб кетган Ўзбекистон U-16 терма жамоаси Ҳиндистонда тайёргарлик машғулотларини ўтказмоқда.

11 сентябрь куни эса жамоа Австралия ўсмирларига қарми ўртоқлик учрашувида майдонга тушиб, 2:3 ҳисобида мағлуб бўлган эди. Бугун эса жамоа тикланиш машғулотларни Гоа соҳилларида ўтказди.

Таъкидлаш керакки, Ўзбекистон ўсмирлар терма жамоаси Осиё чемпионати финал босқичининг “D” гуруҳидан ўрин олган. Ушбу гуруҳда уларга Шимолий Корея, Таиланд ва Яман жамоалари қаршилик қилади.

Ўзбекистонликлар турнирни 17 сентябрь куни Таиландга қарши ўйин билан бошлайди.

Ўзбекистон ўсмирлар терма жамоасининг Осиё чемпионати гуруҳ босқичидаги ўйинлари тақвими:

17 сентябрь: Ўзбекистон – Таиланд (19:30)

20 сентябрь: Яман – Ўзбекистон (15:30)

23 сентябрь: КХДР – Ўзбекистон (18:30)

*Ўйинлар бошланиши Тошкент вақти билан кўрсатилган.