Тошкентнинг «Локомотив» клуби ОЧЛ чоракфинали жавоб ўйинида БААнинг «Ал-Айн» клубини қабул қилиб, 0:1 ҳисобида мағлуб бўлди ва мусобақани тарк этди.
Шунга қарамасдан, 4-марта нуфузли мусобақада иштирок этган «темирйўлчилар» ўз тарихида энг яхши натижани қайд қилиб, Осиёнинг энг кучли 8 жамоаси сафига кира олишди. «Локомотив» бундан олдинги иштирокида гуруҳ босқичидан ўтолмай келаётганди.
«Ал-Айн» клубидан учралган мағлубият «Локомотив» учун мусобақадаги ягонаси бўлиб қолди. Улар ўтказилган 10та ўйиннинг 3тасида ғалаба қозонишди, 6 ўйин дуранг натижа билан якунланди ва фақат 1 ўйинда мағлубият аламини тотиб кўришди.
