Англиянинг "Манчестер Юнайтед" клуби Европа лигаси мусобақасини мағлубият билан бошлади. Жозе Моуриньо шогирдлари Роттердамда "Фейеноорд"га имкониятни бой беришди.

Учрашув суръати юқори бўлган бўлса-да, кураш асосан майдон марказида кечди, дарвозалар олдида хавфли вазиятлар жуда ҳам кам бўлди. Биринчи бўлимда Марсиал қулай вазиятдан дарвозага аниқ зарба бера олмагани билан ёдда қолган бўлса, шунга ўхшаш вазиятда мезбонлар футболчиси Бергхёйснинг зарбаси қовушмади.

Учрашув тугашига 11 дақиқа қолганида эса голландияликлар ғалаба тўпини киритишга муваффақ бўлишди. Йоргенсен ўнг қанотдан жарима майдончасига ерлатиб узатма берди. Триндад етиб келди ва дарвоза бурчагига аниқ зарба берди.

Шу тариқа, "Фейеноорд" кетма-кет олтин ўйинда ғалаба қозонган бўлса, "МЮ" кетма-кет иккинчи учрашувда мағлубият аламини тортишмоқда.

Европа лигаси, "А" гуруҳи, 1-тур
ФЕЙЕНООРД – МАНЧЕСТЕР ЮНАЙТЕД (ОНЛАЙН ТРАНСЛЯЦИЯ)
Гол: 1:0 – 79 Триндаде.
Фейеноорд – Жонс, Боттегин, Конголо, Карсдорп (Ниукоп, 90), ван дер Хейден, Торнстра, Эл-Аҳмадий, Кюйт, Триндаде, Бергейс (Басажикоглу, 68), Йоргенсен.
Манчестер Юнайтед – Де Хеа, Смоллинг, Рохо, Дармиан, Байи, Мата (Янг, 63), Шнайдерлин, Эррера, Погба, Марсьяль (Депай, 63), Рэшфорд (Ибраҳимович, 63).
Огоҳлантириш: ван дер Хейден (23).