«Реал Мадрид» ярим ҳимоячиси Лукас Силва юраги билан боғлиқ муаммоларни енгиб ўта олди ва машғулотларга қўшилди.
«Бир ойлик тинимсиз ҳаракатлардан сўнг машғулотларни бошлаганимдан жуда ҳам бахтиёрман», — деб ёзди футболчи Twitter’даги саҳифасида.
Ёзда Силва Хихоннинг «Спортинг» клубида тиббий кўрикдан ўтаркан, шифокорлар унинг юрагида муаммолар борлигини аниқлаган ва трансфер амалга ошмай қолган эди.
Силванинг ўзи эса фаолиятини якунлаш ҳақидаги хабарларни рад этиб, бу бор-йўғи юракнинг бир марта ўзгариб уриши эканини қайд этиб ўтган эди.
