"Эспаньол"га қарши ўйинда жароҳат олган «Реал» ярим ҳимоячиси Каземиро анча вақт давомида жамоасига ёрдам бера олмайдиган бўлди.
Бразилиялик 24 ёшли футболчининг оёғининг болдир қисмидаги ингичка ёнбош суяги сингани аниқланган.
«Реал» ҳозирча ўйинчининг тўла соғайиши учун қанча вақт кетиши ҳақида маълумот бермади. "As" нашрига кўра, Каземиро 1-2 ой давомида майдонга туша олмайди.
Шунингдек, Испания чемпионатининг 5-тури доирасида «Вильярреал»га қарши ўйинда (1:1) мадридликлар ҳимоячиси Марсело болдирнинг орт қисмидаги мушагидан жароҳат олди. У бугун тиббий кўрикдан ўтади.