«Бавария» яримҳимоячиси Хаби Алонсо фаолиятини немис клубида якунлаш ниятида эканини маълум қилди.
«Бавария» фаолиятимдаги сўнгги клуб бўлади. Жисмоний ва руҳий ҳолатим имкон бергунча бу клубда ўйнайман. Италияда ўйнашни ҳам хоҳлардим, аммо кеч бўлди шекилли.
«Бавария» билан шартномани ҳали узайтирмадим. Бу ҳақда ўйлаб кўраман» - деди 34 ёшли футболчи Marca хабарида.
Эслатиб ўтамиз, футболчининг амалдаги шартномаси 2017 йилда ниҳоясига етади.