Ўзбекистон чемпионатининг 24-тур доирасида бўлиб ўтган "Шўртан" - "Машъал" учрашувидан сўнг ўтказилган матбуот анжуманинг иккинчи қисмида, “Шўртан” жамоасининг жисмоний тайёргарлик бўйича мураббийи – Зойир Хасанов ушбу учрашув ҳақида шундай деди:
"Ўйин қизиқ бўлди. Бугунги учрашув тақдирини битта гол ҳал қилиши керак эди, шундай ҳам бўлди. Рақиб жамоалари бизнинг ҳужумчиларни ўрганиб чиқишади, ҳужумчиларимиз эса ўз навбатида ҳимоячиларни ўрганишади. Ўйинда ким кўпроқ хато қилса ўша ютқазади.
Ғулом Раҳмонов ҳозирги кунда "сеҳрли таёқча" десам янглишмайман. Ёшларимизни секин-аста асосий таркибга жалб қилиб уларга ўзларини намоён қилишлари учун имконият бермоқдамиз.
Кенжа Тўраев биринчи даврада жароҳатлар туфайли бизнинг жамоада шакллана олмади. Иккинчи даврада "Машъал"га бориб қўшилгач ўзининг ажойиб фаолиятни бошлади деб ўйлайман.
Терма жамоамизнинг ўйинлари сабаб юзага келган олий лигадаги 14 кунлик танаффус давомида биз битта назорат учрашуви ўтказишга ҳаракат қиламиз. Шу билан бир қаторда кейинги турдаги "Андижон" билан баҳсга ҳам тайёргарлик кўрамиз".
