Россиянинг ММА иттифоқи президенти Федор Емельяненко Грозний шаҳрида ўтган ММА мусобақасида болаларни иштирок этишига изоҳ берди.
«Кеча рингда болалар ўртасидаги жангни кўрдик. Бу жанглар катталар учун мўлжалланган қоидалар асосида ўтказилди. Ваҳоланки, 12 ёшгача бўлган болаларга бундай жангларда иштирок этиш тақиқланади. 8 ёшли болакайлар эса катталарнинг кўз ўнгида ва олқишлари остида бир-бирини дўппослаб, оғзи-бурнини қонга бўяшди. Наҳотки болаларни соғлиғи биринчи ўринда турмаса?
Шуни маълум қиламанки, «қоидасиз жанглар»да болаларни иштирок этишига йўл қўйиб бўлмайди. Бу уларнинг соғлиғи ва руҳиятига салбий таъсир қилиб, катта зарар етказади» - деб ёзди Емельяненко инстаграм саҳифасида.
