1news.uz — Ўзбекистон миллий терма жамоаси ҳужум чизиғининг энг ишончли ва садоқатли вакили Александр Гейнрих бугун 32 ёшини нишонламоқда.
Энг қизиғи, бугун омади чопса, тажрибали ҳужумчи жаҳон чемпионати саралашининг учинчи босқичи доирасида “А” гуруҳидан ўрин олган Тошкентда бўлиб ўтадиган Ўзбекистон ва Эрон миллий терма жамоаларининг учрашувида миллий терма жамоамиз сафида рақиблар дарвозасига 32 голини киритиш имкониятига эга.
Эслатиб ўтамиз, Гейнрихнинг 31 голи шу йилнинг 1 сентябрь куни ЖЧ-2018 3-саралаш босқичи ўйинлари дастлабки турида Ўзбекистоннинг Сурия терма жамоаси устидан ғалаба қозонишига сабаб бўлган эди.
Бугун ҳам Гейнрих гол уролса, бу Эрон устидан қозонилажак муваффақиятга хизмат қилса ажабмас.
Бугунгача Қозоғистоннинг “Ордабаси” клуби шарафини ҳимоя қилаётган Гейнрих Ўзбекистон миллий терма жамоаси сафида 90 та учрашувда майдонга тушган.
